काठमाडौंमा वर्षकै बढी चिसो महसुस, सर्दीबाट बच्न डा. उप्रेतीको यस्तो सल्लाह

काठमाडौं, २० पुस– काठमाडौंमा बिहीवार यस वषकै सबै भन्दा बढी चिसो महसुश गरिएको छ ।

काठमाडौँको आजको न्यूनतम तापक्रम १ दशमलव ५ डिग्रीसेल्सियस रहेको मौसम पूर्वानुमान महाशाखाले जनाएको छ । यसअघि बुधबार काठमाडौँको न्यूनतम तापक्रम २ दशमलव २ डिग्रीसेल्सियस थियो । काठमाडौँ उपत्यकासहित देशैभर चिसो बढेको मौसमविद् शान्ति कँडेलले जानकारी दिइन । उनका अनुसार चिसो अझै बढ्ने छ ।

जाडोको समयमा विषेश त बालबालिका, वृद्धवृद्धा र सुत्केरी तथा गर्भवती महिलाहरु बढी जोखिममा पर्छन् । जाडोको समयमा आफ्नो स्वास्थ्यप्रति सचेत भइएन भने स्वास्थ्यमा समस्या मात्रै देखिदैन मानिसको ज्यानै जान सक्छ । त्यसैले आफ्नो स्वास्थ्यप्रति सचेत रहन चित्सिकहरुले सुझाव दिएका छन् ।

जाडोको समयमा स्वास्थ्यमा विषेश ध्यान दिनुपर्ने जनस्वास्थ्य विज्ञ डाक्टर अरुणा उप्रेतीले बताइन् । उनले लोकान्तरसँग भनिन्, ‘जाडो मौसममा रुघा लाग्ने, छाती दुख्ने, बालबालिकामा निमोनिया हुने र सुत्केरी महिला तथा वृद्धवृद्धामा विभिन्न्न समस्या देखिन्छ । ’

डा. उप्रेतीका अनुसार चिसोबाट बच्न यी कुरामा ध्यान दिनुहोस्

न्यानो कपडा लागाउने ।
टाउको र हातखुट्टालाई तातो पार्नुपर्छ ।
तोरीको तेलले शरीर तथा हातखुट्टा मालिस गर्ने ।
तातो, पोसिलो तथा झोलिलो खाना खाने ।
चिसोबाट बच्न दुधमा मरिच र बेसार हालेर खाने ।
चिसो लाग्न नदिन अदुवा र विरे नुन हालेर पानी उमालेर पिउने ।
नियमित तातो पानी खाने ।
जाडोको समयमा हातखुट्टा फुस्रो हुन्छ । त्यसैले छालाईलाई फुट्नबाट जोगाउन राती सुत्नु अघि तोरीको तेलले मालिस गर्नुपर्नेजनस्वास्थ्य विज्ञ डा. उप्रतीले बताइन् । जाडोको समयमा चिसोबाट बच्न आगो ताप्ने चलन पनि रहेको छ ।

आगो ताप्दा विषेश त शहरबजार तिर प्लास्टिकको झोलाहरु पनि बालेर आगो ताप्ने गरिन्छ । यसरी आगो ताप्दा हातखुट्टा, अनुहार सुख्खा भएर फुट्ने र स्वास्थ्यमा अन्य असर गर्ने डा. उप्रेतीले बताइन् । ‘प्लास्टिकमा हुने टक्सिन नामक रसायनको कारण स्वास्थ्यमा असर पर्छ । त्यसैले प्लास्टिकको प्रयोग गरेर आगो ताप्न हुदैन । भ्यालढोका बन्द गरेर पनि कोठा भित्र आगो बाल्नु हुदैन ,’ उनले भनिन् ,‘ चिसोबाट बच्न न्यानो कपडा नै उत्तम हुन्छ ।’
source lokantar

पुस २०, २०७४ मा प्रकाशित

प्रकाशित मिति २० पुष २०७४, बिहीबार २२:२४