काडमाडौँ स्पोट क्लाइमिङ सेन्टरः साहसिक खेलमा रुषाको अनुभव

काडमाडौँ स्पोट क्लाइमिङ सेन्टर लकडाउनपछि नेपाल सरकारले दिएको नियमलाई पालना गरि खोलेको छ । सामाजिक सुरक्षा अपनाइएर साहसिक खेल तर्फ लम्कि रहेका खेलाडीहरुलाई मध्यनजर गर्दै सेन्टर खोलिएको रुषा प्रधानले जानकारी दिइन । उनका अनुसार दैनिक १३ घण्टा खोलिदै आएकोमा अहिले लकडाउनलाई मध्यनजर गर्दे विहान ११ देखि बेलुकी ६ः३० सम्म खुल्ला गरिएको छ । चैत्र ११ गतेदेखि बन्द रहेको सेन्टरमा साहसिक खेलमा लागेका खेलाडी, आरोहीहरु आउने गरेको प्रधानले जानकारी दिइन ।


काठमाडौँ स्पोट क्लाइमिङ सेन्टर २०१८ मा खोलिएको स्पोट सेन्टर हो । यहा भखर्रै सिक्दै गरेका, अनुभब भएका रक क्लाइमिक, साहसिक खेलमा रम्न चाहने खेलाडीहरु आउने गर्छ । काठमाडौँको मुटु ठमेलमा रहेको यस वाल क्लाइमिङमा जिम, साहसिक कार्यसगैँ सहसिक खेल तर्फ लागेका खेलाडीहरु तालिम लिने केन्द्र बनेको छ । यहाँ हिमाल आरोहणमा जाने आरोही, सिक्दै गरेका साना साना बालबालिकाहरु विदामा आउने गर्छ । नेपालमा साहसिक खेललाई प्रवर्धन गर्न, युवाहरुलाई खेलमा सामेल गराइ अन्तराष्ट्रिय स्थरसम्म लाने उद्देश्यले सेन्टर खोलिएको हो ।

अहिले नेपालका युवापिडीहरु साहसिक खेल तर्फ रम्न थालेका छन । पहिला रमाइलोको रुपमा मात्र लिने खेल अहिले पेशाको रुपमा विकाश हुदै जान थालेसगैँ यस सेन्टरमा क्लाइमिङ सिक्न आउनेको संख्यामा बृद्धि भएको देखिन्छ । सेन्टरमा सिक्न आउनेहरु यहाँको बातावरणमा रम्ने गरेको छ भने सकारात्मक प्रतिक्रिया दिने गरेको रुषाले जानकारी दिइन ।

यस सेन्टरमा लिड, बोल्डी«ङ, स्पिड क्लाइमिङ सिक्न र खेल्न सकिन्छ । यो साहसिक खेल तर्फ लाग्न चाहने नेपालीहरुलाई प्रोत्साहन र मध्यनजर गरि खोलिएको सेन्टर हो । यसको विशेष आकर्षन नै स्पिड क्लामिक हो ।

लकडाउनको असर
चैत्र ११ बाट सुरु भएको लकडाउनले हरेक क्षेत्रमा असर गरेको नै छ यसमा पनि क्लाइमिङ सिजनको मुखैमा आएर असर गरेको छ । पहिला जस्तै गरि सुचारु गर्न अझै एक बर्ष वा त्यो भन्दा बढी समय पनि लाग्न सक्ने रुषा बताउछिन ।

साहसिक खेल तर्फ युवाहरुको चासो
अहिले कमैमात्र युवाहरु यस खेल तर्फ लागेका छन । पहिलाको तुलनामा अहिले राम्रै मान्नु पर्छ । अहिले यस खेललाई पेशाका रुपमा लिने खेलाडीहरु नेपालमा एक दुइ जना पाउन सकिन्छ । विस्तारै यस खेल तर्फ युवाहरु अर्कषित हुन थालेका छन ।

महिलाको सहभागीता
साहसिक खेल तर्फ महिलाको तुलनामा पुरुष नै बढी छन । कलेज, स्कुल पढ्नेहरु बढी मात्रमा यस खेल तर्फ आर्कषित भएका छन । महिलाहरु कमैमात्रमा सहभागी हुनुमा समाजको नजरिया, घरपरिवार समाल्नुपर्ने जस्ता कारणले महिलाहरु कमैमात्रमा यस खेलमा सहभागी हुने गरका छन ।

रुषाको अनुभव
२०१५ मा रुषाले एसियन युथ च्याम्पियनशिप खेल्न मलेसिया गएकी थिइन । त्यहाँ जादाको अनुभव हेर्ने हो भने हामी नेपाली खेल सुरु हुनु भन्दा अगाडी दुइ तिन महिनामा सिकेर जाने गछौँ भने विदेशीहरु सानै उमेर ६ वा १० बर्षको उमेर देखि नै साहसिक खेल तर्फ लागि परेका हुन्छन । तर नेपालमा महत्व नबुजेकाले र सुनौलो भविष्य नभएकाले गर्दा समाज, घरपरिवारले खेलकुद तर्फ लाग्नलाइ प्रोत्साहन गर्दैनन भन्ने हो भने खेल तर्फको चेतनाको कमीले पुरुषसगैँ महिलाको संख्या सहसिक खेल तर्फ कमै मात्रमा सहभागी रहेका छन ।

प्रकाशित मिति २० असार २०७७, शनिबार १२:५९