काेराेना परिक्षण सामग्री खरिद गर्न महाबीर पुनलाइ जापानबासी नेपालीहरुकाे उत्साहजनक सहयाेग

फुर्वा शेर्पा /हिमाली शन्देश ,टोकियो, महावीर पुनले संचालन गरेकाे आविस्कार केन्द्रलाई, कोरोना परिक्षणमा प्रयोग हुने सामग्री निर्माणका लागि एनआरएनए जापानले आवाश्यक रकम संकलनमा प्रकृया अघि बढाएको छ ।

नेपालमा कोरोनाको परीक्षण गर्न नाक र घाँटी बाट स्वाबको नमुना लिंदा चाहिने प्लास्टिकको सामग्री (सुईरो)को अभाव भएको र उक्त सामग्री बनाउने उपकरण खरिद गर्नका लागि, राष्ट्रिय आविस्कार केन्द्र (National Innovation Center) ले एनआरएनए (NRNA)जापानलाई आवस्यक सहयोगको लागी आधिकारीकरुपमा पत्र पठाई अनुरोध गरेको थियो । अभियानकाे सफल बनाउन NRNA जापानले आफ्नाे क्षेत्रिय समिति ,जापानमा रहेका बिभिन्न संघसंस्था ,ब्यापारी र अन्य ब्यक्तिहरुबाट उत्साहजनक रुपबाट सहयाेग प्राप्त भएकाे एनआरएनए जापानका महासचिव जनक बिक्रम शाहीले जानकारी दिनुभयाे ।

स्वाबको नमुना लिंदा चाहिने प्लास्टिकको सामग्री (सुईरो)को अभाव भएको र उक्त सामग्री बनाउने उपकरण १३ लाख १२ हजार ८० जापानी येन पर्ने बताइएकाे छ ।
आवस्यक सहयोग गर्न इच्क्षुक जापानवासी सम्पूर्ण संघ संस्था, व्यवसायी, बुद्दिजीवी तथा दाजु भाई दिदी बहिनी हरुले एनआरएनए जापानको जेपी बैंक खाता
10930-13431561 मा डिपोजिट गरिदिन समेक अनुरोध गरेको छ ।

प्रकाशित मिति १८ जेष्ठ २०७७, आईतवार ०७:२९