कोरियामा अन्तर्राष्ट्रिय बुद्धिष्ट एक्सपो

अन्तर्राष्ट्रिय बुद्धिष्ट एसोसियशन कोरियाको आयोजनामा अन्तर्राष्ट्रिय बुद्धिष्ट एक्सपो – २०१९ बिहीबारदेखि सुरू भएको छ । ४ दिन चल्ने प्रदर्शनी १७ गते आइतबार समापन हुनेछ ।

आज प्रदर्शनीको उद्घाटन कोरियाका जोग्योसा गुम्बाका प्रमुख लामा, सउल महानगरको मेयर र कोरियाका बिशिष्ट व्यक्तित्वहरू, कोरियाका लागि नेपाल, श्रीलङ्क, भियतनाम, म्यान्मा, फिलिपिन्स, थाइल्यानड लगायतको देशका राजदुतहरू सहभागितामा भएको हो । विशेष गरी बुद्धिष्ट सामाग्री थाङ्का, माला, लुङ्ता, धाजा, बुद्धको फोटो लगायतका प्रदर्शनीमा राखिएका छन् ।

नेपालको तर्फबाट नेपाली राजदुताबास र सउल नेपाल गुम्बाको संयुक्त रूपमा एउटा स्टल राखेको सउल नेपाल गुम्बाका लामा प्रमुख कुन्साङ दोर्जे लामाले जानकारी दिए । त्यस्तै अन्य कोरिया, श्रीलङ्क, भियतनाम, म्यान्मा, फिलिपिन्स, थाइल्यानड लगायतका १० भन्दा बढी देशहरूले छुट्टाछुट्टै स्टलहरू राखिएका छन् । प्रदर्शनीमा राखिएको सामग्रीहरू बिक्री गर्ने बताएको छ ।

एक्सपोमा कोरियन साँस्कृतिक प्रस्तुतीसहित सहभागी देशहरूको पनि साँस्कृतिक प्रस्तुती प्रदर्शन हुने कुन्साङ लामाले बताए । उनले चार दिन चल्ने प्रदर्शनीमा मिल्ने समयमा अवलोकन गर्न अनुरोध गरेको छ ।

प्रदर्शनी स्थल रेल (ट्रेन) ३ नं. लाइन 학여울 (Hyagnyeoul) स्टेशनको गेट नं. १ अगाडी बुद्धिष्ट एक्स्पो सेन्टरमा भइरहेको छ ।

प्रकाशित मिति १ मंसिर २०७६, आईतवार १२:१७