कोरियाले पुनः प्रवेशको सुबिधा दिने भएपछी स्वदेश फर्किने अबैधानिक कामदारको संख्यामा बृद्वी

स्व – इच्छाले कोरिया छाड्ने बिदेशी कामदारको संख्या बढ्न थालेको छ l केहि महिना पहिला कोरियाको न्याय मन्त्रालयले सन् २०२० को जुन सम्म स्व- इच्छाले देश छाडे पुनः कोरिया प्रवेशको लागि ढोका खुल्ला रहने सुबिधा दिए संगै सो संख्या बढेको हो l

इन्छन अध्यागमन विभागका अनुसार यो महिना १४ दिनको अबधिमा ३६९ जना अबैधानिक कामादारले कोरिया छाडेका छन् l सो संख्या गत नोभेम्बरमा ४३३ थियो भने डिसेम्बरमा ७२० जनाले कोरिया छाडेका थिए l

कोरियाले तोकिएको अबधि भित्रै स्व- इच्छाले देश छाड्नेहरुको लागि स्वदेश फिर्ती शुल्क समेत छुट दिने सुबिधा दिएको छ l उनीहरुले चाहेको खण्डमा ९० दिनको पुनःप्रवेश भिषा समेत प्राप्त गर्न सक्नेछन l साथै मल्टिपल भिषाको लागि पनि उनीहरुलाई कुनै रोकतोक हुने छैन l

न्याय मन्त्रालयले गत डिसेम्बर ११ तारिकमा उक्त नीति ल्याएपछि इन्छन , ख्याङ्गिदो .आन्सान ,बुछन लगायतका अध्यागमन विभागहरुमा ४० प्रतिशत अबैधानिक कामदार स्वदेश फर्किको लागि सम्पर्कमा आइसकेको बताइएको छ l

प्रकाशित मिति ५ माघ २०७६, आईतवार ०८:२२