गैर आवासीय नेपाली संघ (एनआरएनए) दक्षिण कोरियाकाे अधिवेशन हुने

गैर आवासीय नेपाली संघ (एनआरएनए) दक्षिण कोरियाकाे सातौं अधिवेशन सेप्टेम्बर २१ र २२ तारिखमा हुने भएकाे छ । आइतबार सउलमा पत्रकार सम्मेलन गरि अधिबेशनको मिति घोषणा गर्दै नयाँ सदस्यकाे लागि अावेदन खुल्ला भएकाे जानकारी गराएकाे हो । सम्मेलनमा एनअारएनए दक्षिण काेरियाकी अध्यक्ष लक्ष्मी गुरूङ लामा, बरिष्ठ उपाध्यक्ष विपिन गुरुङ, उपाध्यक्ष अमृत राई, सचिवहरू केशव थापा र विजय गुरूङ लगायतले अधिबेशनमा दक्षिण काेरियामा रहेका नेपालीकाे सकारात्मक सहयाेग हुनेमा विस्वास व्यत्त गरे ।

अध्यक्ष गुरूङले सातौं अधिवेशन विगतका अधिवेशन भन्दा ऐतिहासिक हुने बताइन् । उनले अधिवेशनमा संघका केन्द्रीय अध्यक्षको उपस्थिति र नेपाल सरकारका वहालवाला मन्त्रीको आतिथ्यमा हुने बताइन् । अब सदस्यहरुले डिजिटल परिचयपत्र प्राप्त हुने हुदाँ सबैले अनलाइन फारम दर्ता गरी सदस्यता लिनुपर्ने अध्यक्ष गुरूङले बताइन् । उनले भनिन् ‘अधिवेशनको चुनावमा विद्युतिय मतादान हुने भएकाेले फिङ्गरप्रिन्ट चाहिने र घरमै बसी अनलाइनमार्फत फारम भर्न सकिनेछ ।’

सचिव केशव थापाले अनलाइन मार्फत मोवाइल तथा कम्प्युटरबाट आफ्नो फारम दर्ता गर्न सकिने बताए । भेटघाट कार्यक्रममा कोरियामा ६ क्षेत्रमा क्षेत्रीय शाखाहरुमा अधिवेशनको तयारी गरिरहेको बताए । दक्षिण काेरियामा रहेका याेग्य नेपालीले दस्यताकाे लागि निवेदन दिन सकिने एनअारएनए दक्षिण काेरियाले जनाएकाे छ ।

प्रकाशित मिति ३ श्रावण २०७६, शुक्रबार १७:१७

सम्बन्धित समाचारहरु