टानमा प्रमुख निर्वाचन अधिकृतको जिम्मेवारीमा रमेश कुमार मैनाली

ट्रेकिङ एजेन्सीज एसोसिएसन अफ नेपाल (टान)को ४१ औ वार्षिक साधारण सभा २०७६ साल भाद्र २० गते हुने भएको छ ।
नवराज दाहाल नेतृत्वको वर्तमान कार्यसमितिले आफनो जिम्मेवारी सफलता पुर्वक रुपमा सम्पन्न भएकोले सन् २०१९-२०२१ लागी नयां कार्यासमितिको चयन गर्न लागिएको हो ।

नया कार्यसमिति छनौट, निर्वाचन कार्यक्रम संचालन गर्न प्रमुख निर्वाचन अधिकृतको जिम्मेवारी टानको कानुनी सल्लाहकार तथा बरिष्ठ कानुनविद श्री रमेश कुमार मैनालीलाई चयन गरिएको छ । रमेश कुमार मैनालीले टानको ४० औं साधाधरणसभामा पनि प्रमुख निर्वाचन अधिकृतको जिम्मेवारी बहन गरि सक्नु भएको छ ।

नयाँ कार्यसमितिमा अध्यक्ष, पदाधिकारी र सदस्यहरुले उम्मेदवार मनोनयन गर्दा लाग्ने शुल्क पनि निर्धारण गरेको छ । जस अनुसार टानको अध्यक्षको उमेदवारलाई रु.६०,०००, पदाधिकारीहरुलाई रु.४०,००० र अन्य सदस्यहरुललाई रु २५,००० तोकिएको जानकारी महासचिब पेम्बा शेर्पाले जानकारी दिनुभयो । ट्रेकिङ एजेन्सी एसोसिएसन अफ नेपाल (टान) नेपालको पदयात्रा व्यवसायको लागी स्थापित ट्रेकिङ कम्पनीहरुको छाता संगठन रहेको छ । जस अन्र्तगत १८०० भन्दा बढी सदस्य कम्पनीहरु अबद्ध रहेको शेर्पाले जानकारी दिनुभयो ।

प्रकाशित मिति १० श्रावण २०७६, शुक्रबार २०:४५