टानले स्वा रविन्द्र अधिकारीको नाममा पुरस्कार स्थापना गर्ने

ट्रेकिङ एजेन्सीज् एसोसिएसन अफ नेपाल (टान) ले वार्षिक वार्षिक साधारण सभामा वितरणगर्ने पुरस्कारहरुको छनौटको लागी बरिष्ठ पर्यटन व्यवसायी बोधराज भण्डारीको संयोजकत्वमा पुरुषकार छनौट समिति गठन गरेको छ ।

टानको ४१ औं बार्षिक साधारणसभा यहि २०७६ साल भाद्र २० गते हुनेछ । टान नेपालको पर्यटन क्षेत्रको सबै भन्दा ठुलो संस्था हो । समितिका सदस्यहरुमा सदस्यहरुमा पर्यटन व्यवसायीहरु डम्बर पराजुली, पूर्ण चन्द्र भुसाल, ङावा ङिमा शेर्पा र शीतल चन्द्र धरेल रहेका छन । साथै यस वर्षबाट सांस्कृतिक पर्यटन तथा नागरिक उड्डयन मन्त्री माननिय स्व.रविन्द्र अधिकारीको नाममा रविन्द्र अधिकारी पर्यटन पुरस्कार स्थापन गरि वितरण गर्ने निर्णय गरियो ।

मन्त्री अधिकारीको २०७५ साल फाल्गुण १५ गते ताप्लेजुङमा भएको हेलि दुर्घटनामा दुखद् निधन भएको थियो ।

टानले वितरण गर्ने पुरस्कारहरु निम्नानुसार छन् —
१) टान पत्रकारिता पुरस्कार २५÷२५ हजारको २ जना
२) टान डा. हर्क गुरुङ पुरस्कार ५०,०००।—
३) टान पासाङ ल्हामु पुुरस्कार ५०,०००।—
४) टान पेम्बा डोमा पुरस्कार १५,०००।—
५) नया“ थप टान रविन्द्र अधिकारी पुरस्कार ६०,०००।—

प्रकाशित मिति ९ श्रावण २०७६, बिहीबार १४:२०