नेपाली समाज जापानद्वारा प्रधानमन्त्रिको राजिनमा माग्दै विज्ञप्ति

टाेक्याे ,जापान नेपाली समाज जापानले सांसद अपहरणमा संलग्न ब्यक्तिहरुलाइ कार्बाही गर्न र प्रधानमन्त्री केपी शर्मा अेालीकाे राजिनामा माग गरेकाे छ ।

अप्रिल २७ तारीख़का दिन सम्पन्न अनलाइन बैठककाे निर्णय अनुसार आज नेपाली समाज जापानले एक बिज्ञप्ति प्रकाशित गर्दै तत्कालीन समाजवादी पार्टीका सांसद तथा पूर्व राज्यमन्त्री डा . सुरेन्द्र यादवलाई मानसिक तनाव दिएर निजी निवासबाटै अपहरण गर्ने अपराधिक कार्यमा संलग्न नेकपाको सांसदद्वय मा . महेश बस्नेत , मा . किसान श्रेष्ठ र पुर्व प्रहरी महानिरिक्षक सर्वेन्द्र खनाल प्रत्यक्ष सामेल भएको हुँदा कानून बमोजिम कारबाही गरिनुपर्ने ,सांसद डा . सुरेन्द्र यादवको अपहरण कार्यमा सम्माननिय प्रधानमन्त्रि केपी शर्मा ओली समेत सामेल भएको स्वयं प्रधानमन्त्रीकाे मुखारबिन्दुबाट स्पस्ट भएको हुँदा नैतिकताको आधारमा प्रधानमन्त्री पदबाट तुरुन्त राजिनामा दिन नपाली समाज जापानले नेपाल सरकार र न्यायिक संस्थाहरुसंग जाेडदार माग गरेकाे छ ।

नेपाली समाज जापानका अध्यक्षद्वय पेम्बा शेर्पा र चण्डिका अमगाईद्वारा संयुक्तरुपमा हस्ताक्षरित बिज्ञप्तिमा तत्कालिन राष्ट्रिय जनता पार्टी र समाजवादी पार्टीबीच एकता भई जनता समाजवादी पार्टी , नेपाल ( People ‘ s Socialist Party , Nepal ) गठन र एकता समय सान्दर्भिक , नेपाली जनताको चाहाना अनुसार र मुलुकलाइ ठिक तरिकाले राजनीतिक नेतृत्व दिनको निमित ऐतिहासिक कार्य भएको ठहर गर्दै यस एकतालाई नेपाली समाज जापान हृदय देखि स्वीकार र स्वागत गरेकाे छ साथै नेताहरुको एकीकृत हने भावना र दुरदर्शि साँचको नेपाली समाज जापान उच्च प्रशंसा गर्दै एकीकृत पार्टीले पहिचानमा आधारित संघीयता , सहभागिता मुलक समाबेसी लोकतन्त्र , बहराज्य सुहाउँदो समाजवाद , सामाजिक न्याय , सुशासन , समृद्वी र बहुसास्कृतिक राष्ट्रवाद बिताया गर्न सक्नेमा पूर्ण विश्वस्त रहेकाे उल्लेख छ । बिज्ञप्ति मार्फत नै काेराेना महामारीबाट दुर्भाग्यवस जापानमा रहनु हुने नेपालीहरुमा कुनै खाले आपत्त – विपत परेमा नेपाली समाज जापानले गर्न सक्ने सबैखाले सहयोग गर्न तयार रहेकाे जनाएकाे छ ।

 

फाेनिज न्युज

प्रकाशित मिति १७ बैशाख २०७७, बुधबार १७:३९