मानवअधिकारको दुरुपयोग बढ्दै गएकाले रोकथाम गर्न विश्व समुदायलाई राष्ट्रसंघका महासचिवको आग्रह

मानव अधिकारको दुरुपयोग बढ्दै गएकाले रोकथामका लागि सकारात्मक पहल आवश्यकता रहेको संयुक्त राष्ट्रसंघका महासचिव एन्टोनियो गुटरेसले औँल्याउनु भएको छ ।
संयुक्त राष्ट्रसंघको ७३ औँ स्थापना दिवसको अवसरमा शुभकामना सन्देश जारी गर्दै उहाँले मानवअधिकारको रक्षार्थ विश्व समुदाय एक हुनुपर्ने बताउनुभयो । उहाँले गरिबी कम हुँदै गएपनि असमानता बढीरहेको, जलवायु परिवर्तन, बढ्दो हत्या हिंसा, मानवअधिकार उलङ्घन, आणविक शक्तिको दुरुपयोग लगायतले विश्वको स्वरुप नै धमिल्याउने भन्दै तिनको रोकथाम र शान्ति स्थापनार्थ सबैले आफ्नो स्थानबाट सकेजति योगदान दिन गुटरेजले आग्रह गर्नुभएको छ ।

यसैबीच आज नेपाल लगायत विश्वभर संयुक्त राष्ट्रसंघको स्थापना दिवस विभिन्न कार्यक्रम गरी मनाइदैछ । सन् १९४५ को अक्टोबर २४ का दिन संयुक्त राष्ट्रसंघको घोषणा पत्र कार्यान्वयनमा आएसँगै राष्ट्रसंघको औपचारिक सुरुवात भएको थियो । सोही दिनको सम्झनामा हरेक वर्षको अक्टोबर २४ लाई संयुक्त राष्ट्रसंघ दिवसको रूपमा मनाउँदै आएको छ ।
सन् १९४८ देखि राष्ट्रसंघका सदस्य राष्ट्रले यो दिवस मनाउँदै आएका छन् । संयुक्त राष्ट्रसंघमा अहिले एक सय ९३ सदस्य राष्ट्र छन् । नेपाल सन् १९५५ मा संयुक्त राष्ट्रसंघको सदस्य बनेको थियो ।

संयुक्त राष्ट्रसंघ अन्तर्गत विभिन्न लक्षित क्षेत्र र विषयमा कार्य गर्नका लागि विशिष्ट निकायहरु छन् । हालसम्म तिनीहरुले खाधान्न र कृषिका लागि विश्व खाद्यान्न तथा कृषि अन्तर्राष्ट्रिय आणवीक उर्जा संस्था, बालवालिका र महिलाका विषयमा काम गर्छन् ।
श्रोत इकान्तिपुर

प्रकाशित मिति ७ कार्तिक २०७५, बुधबार ११:१८