मिङमा दोर्जे बने सगरमाथा आरोहण गर्ने पहिलो नेपाली इलेक्ट्रिकल इन्जिनियर

काठमाडौँ, ०९ जेष्ठ : नेशनल कलेज अफ ईन्जिनियरिङ बाट इलेक्ट्रीकल ईन्जिनियरिङ उत्तीर्ण गरेका ई.मिङमा दोर्जे शेर्पाले जेष्ठ ८, २०७६ बिहानको ३:३० बजे बिश्वको सर्बोच्च शिखर सगरमाथा आरोहण सम्पन्न गरेका छन् । सगरमाथा आरोहण गर्ने उनि, नेपालको पहिलो इलेक्टि्रकल इन्जिनियर हुन् ।

मिङमा दोर्जे शेर्पाको जन्म खुमजुंग-८, सोलुखुम्बुमा भएको हो । सानै देखि उनि घुम्न, पर्वताराेहण गर्न तथा साहसिक क्रियाकलापमा रुची राख्दथे । पढाईले इन्जिनियरभएता पनि उनको रुचीलाई केहि कुराले बाधा ल्याउन सकेन र अन्तत् उनि २०७६ साल जेष्ठ ८ गते बिहानको ३:३० बजे सगरमाथाको शिखरमा पुग्न सफल भए । आफ्नो जीवनमा कुनै एक दिन जसरि पनि सगरमाथा चढ्ने लक्ष्य लिएका उनले सो लक्ष्य गत बुधबार नै पुरा गरेका हुन् ।

सगरमाथामा को चुचुरोमा पुगेर झन्डा फरफराउने ऎतिहासिक तथा साहसिक मिङमा, नेपालको पहिलो इन्जिनियर (इलेक्टि्रकल) आरोही हुन् । उनि संगै उनका परिवारका बुवा र दाजु फिन्जोदोर्जे शेर्पाले समेत एकै दिनमा चुचुरो आरोहण गरेका थिए । उनले सो आरोहण पश्चात, एलेन अरनेटलाइ बिशेष धन्यवाद समेत व्यक्त गरेका थिए । त्यस्तै उनले आफ्नो यस उपलब्धि सिंगापुरको परिवार, क्यानेडियन परिवार (रईड कार्टर, ग्लोरिया) तथा अमेरिकन परिवार (एलेन अरनेट, डिएन आरनेट, डोन ब्राएर, भानेसा ओ-ब्राइन), कलेजपरिवार लगायत इन्जिनियर समुदायलाइ समर्पित गरेका छन् ।

सर्बोच्च शिखर सगरमाथाको आरोहन संगसंगै उनले आफुले पढेको कलेज नेशनल कलेज अफ ईन्जिनियरिङ(NCE ०७० ब्याच)को ब्यानर र नेपाल ईन्जिनियर्स एसोसिएसनको लोगो फहराएका छन । नेपाल इन्जिनियर्स एसोसिएसनका सदस्य (सदस्यता न: २५०३८) उनि, आफ्नो इन्जिनियरिंग समुदायलाई प्रतिनिधित्व गर्न इन्जिनियर्स एसोसिएसनको ब्यानर समेत फर्फराएका छन् ।

प्रकाशित मिति १० जेष्ठ २०७६, शुक्रबार १६:२९

सम्बन्धित समाचारहरु