लिखुपिके गाउँपालिकाको हिमगंगा माबिका बिद्यार्थीलाई शैक्षिक सामग्री बितरण

बिष्णु खड्का सोलुखुम्बु, शैक्षिक सत्र २०७६ मा कक्षा १ देखिनै भर्नादर बृद्धि गर्ने र शैक्षिक सुधार गर्ने उदेश्यका साथ सोलुखुम्बुको लिखुपिके गाउँपालिका वडा न ३ काप्mलेचौरमा रहेको हिमगंगा माबिका कक्षा १ देखि कक्षा ५ सम्मका बिद्यार्थीहरुलाई प्रोत्साहन स्वरुप शैक्षिक सामग्री तथा लोगो अङकित पोषक बितरण गरिएको लिखुपिके गाउँपालिका वडा न ३ का वडा अध्यक्ष पुण्य बहादुर बस्नेतले बताए । बुधबार एक कार्यक्रमका बिच लिखुपिके गाउँपालिका सोलुखुम्बुका अध्यक्ष डम्बर बहादुर बस्नेत, उपाध्यक्ष प्रमिला बस्नेत लगायत बिद्यार्थी ,अबिभाबकको उपस्थितीमा उक्त सामाग्री बितरण गरिएको हो ।

बिद्यार्थीलाई कापी,कलम,जुत्ता, बिद्यालय पोषक झोला लगायतको शैक्षिक सामाग्री बितरण भएको हो । कार्यक्रम बोल्दै गाउँपालिका अध्यक्ष डम्बर बहादुर बस्नेतले लिखुपिके गाउँपालिका भित्र रहेका सबै बिद्यालयमा बितरण गरिने बताए । त्यस्तै उपाध्यक्ष प्रमिला बस्नेतले लिखुपिके गाउँपालिका भित्र रहेका २२ वटै बिद्यालयमा शैक्षिक सुधार ल्याउने बताइन ।

प्रकाशित मिति १४ चैत्र २०७५, बिहीबार १४:२५