३९ जनाले लिए ४०औं सम्पर्क अधिकृति तालिम

काठमाडौँ, असोज ६ । सगरमाथा लगायत नेपालका विभिन्न हिमाल आरोहण टोलीमा खटिने ४०औ सम्पर्क अधिकृति तालिम न्याथम कलेज, रविभवन कालिमाटीमा सम्पन्न भएको छ ।
तालिम संस्कृति, पर्यटन तथा नागरिक उड्डयन मन्त्रालय, नेपाल पर्वतीय प्रतिष्ठान र नेपाल पर्यटन तथा होटल व्यवस्थापन प्रतिष्ठानको सयुंक्त आयोजनामा संचालन भएको थियो । ७ दिनसम्म संचालन भएको ४०औ सम्पर्क अधिकृत तालिममा ३९ जना प्रशिक्षर्थीहरु सहभागी भएका थिए ।

सम्पर्क अधिकृति विशेष गरि हिमाल आरोहणमा रहेका टोलीको बारेमा जानकारी दिन, उनीहरुले गर्न हुने नहुने कार्यको बारेमा जानकारी दिन र आरोहण टोलीले आरोहण गरे नगरेको बारेमा नेपाल सरकारलाई जानकारी दिन खटाइन्छ ।
यो तालिम स्नातक उत्तिर्ण निजामति सेवाका राजपत्र अनकिंत प्रथम श्रेणी देखि राजपत्राकिंत द्धितिय श्रेणीसम्मका कर्मचारी वा निजामती सेवाका राजपत्राकिंत तृतीय श्रेणीका अधिकृत सरहका नेपाली सेना, प्रहरी, सशस्त्र प्रहरीका अधिकृत कमचारी र प्रवेशीका परीक्षा उत्तिर्ण भएका सगरमाथा आरोहीहरुले लिन पाउनेछन ।
यस बर्षको तालिममा निजामती कर्मचारी, सेना, प्रहरी र सगरमाथा आरोहीहरुले ७ दिने तालिम लिएका छन ।

प्रकाशित मिति ६ आश्विन २०७५, शनिबार २१:०७