१५ दिन लामो ‘सोलुखुम्बु ट्रेल रेस’ शुरु

सोलुखुम्बु, कात्तिक १२ जिल्लाको तल्लो क्षेत्रमा पनि पर्यटकको आवागमन बृद्धिको लक्ष्य राखेर आयोजित पर्यटन बर्ष सन् २०२० लक्षित‘सोलुखुम्बुु ट्रेल रेस’ओखलढुंगा र सोलुखुम्बुको सिमाना धापबाट सुरु भएको छ ।

रेसको औपचारिक उद्घाटन सोलुदुधकुण्ड नगरपालिकाका मेयर नाम्गेल जाङबु शेर्पाले गरे । आयोजक संस्था ‘दी स्मल वल्र्ड’का अध्यक्ष कर्मा शेर्पाका अनुसार सोलुखुम्बुको तल्लो भेगबाट सुरु भएर आधार शिविर पुगि पुनःतल्लो क्षेत्रको फाप्लुमा आएर रेस समापन हुनेछ ।

धावकहरु ४ हजार ६ सयअग्लो पिके पिक, ३ हजार ५ सय मिटर अग्लो लामाजुरा पास गर्दै पर्यटकीय गाउँ जुनबेंसी, टाक्सिन्दु गुम्बा, नुम्बुर र करेलुङको फेदमा रहेको पबित्रताल दूधकुण्ड पोखरी हुदैै दौडने छन् । प्रथम सगरमाथा आरोहीहरु तेन्जिङ नोर्गे र सर एडमण्ड हिलारी हिँडेको ऐतिहासिक पद मार्गलाई पछ्याउदै धावकहरु दौडिने आयोजक संस्थाका अध्यक्ष कर्मा शेर्पाले बताए । रेसमा विदेशी ६५ जना र नेपालका १५ जना सहभागी छन् ।

रेसमा सहभागी अधिकांश धावकहरु फ्रान्सबाट आएका छन् । रेसमा बेल्जियम, स्वीजरल्यान्ड लयागतका यूरोपेली देशका धावक पनि सहभागी छन् । रेसमाचर्चित विन्टर एथलेक्टिस दावा दाछिरी शेर्पा सहभागि भएका छन् । शेर्पाले विन्टर ओलम्पिकमा नेपालको नेतृत्व गरिसकेका छन् । ५ औं पटकसम्म अन्तरराष्ट्रिय स्तरको दौडमा बिजेता बनेका दाछिरी सोलुदुधकुण्ड नगरपालिका १ टाक्सिन्दुका हुन् ।

३ सय १० किलोमिटर दूरीको दौड पुरा गर्न १५ दिनलाग्नेछ । रेसमा ५ हजार ४ सय मिटर अग्लो सगरमाथा क्षेत्रको रेन्जोला पास, गोक्यो भ्याली, ५ हजार ३ सय ६४ मिटर उचाइमा रहको सगरमाथा आधार शिबिर पुग्नुपर्नेछ । फर्किने क्रममा धावकहरु गोरक्सेप, लोबुचे, फेरीचे, तेङबोचे, नाम्चेबजार, लुक्ला, खरीखोला, नुनथला, टाक्सिन्दु हुँदै फाप्लु आइपुग्नेछन् ।

प्रकाशित मिति १२ कार्तिक २०७६, मंगलवार १७:१८