सरकार सफल र असफल भयो भनेर समिक्षा गर्ने दिन आएको छैन: माननीय हेमकुमार राई

सोलुखुम्बुबाट प्रतिनिधिसभा सांसदमा निर्बचित माननीय हेमकुमार राईले प्रतिपक्षले सरकार असफल भयो भनेर भन्ने दिन नआएको बताउनु भएको छ ।
महाकुलुंग सरोकार समाजद्वारा काठमाडौँमा आयोजित एस ईई उतिर्ण बिधार्थी सम्मान कार्यक्रममा उहाले यो १ बर्ष सरकार असफल र सफल भयो भयो भनेर समिक्षा गर्ने समय नरहेको प्रष्ट पार्नु भएको छ , बर्तमान नेकपाको सरकार जनताको पक्षमा नीति तथा कार्यक्रमहरु बनाई समृद्ध नेपाल र सुखी नेपाली बनाउने अभियानमा रहेको तर कांग्रेसले नेपाल र नेपाली जनताको हित नचाहेकोले सरकारले गरेका राम्रो काममा पनि आरोप र प्रत्यारोप मात्र लगाईरहेको बताउनु भयो ।

त्यसैगरी आफुलाई लोकतान्त्रिक पार्टि भन्ने नेपाली कांग्रेसले जनमतको कदर गर्न आनाकानी गर्न खोजेकोले जनमतको कदर गरि आफ्नो पार्टिको सिद्वान्त रक्षा गर्न अनुरोध गर्नुभयो । लामो समय देखि एकल शाशन चलाएका नेपाली कांग्रेसका नेता बलबहादुर केसीलाई २०७४ सालमा सम्पन्न प्रतिनिधि सभाको चुनाबमा पाखा लगाएका राईले अब जनताले परिबर्तन चाहेकोले कांग्रेसले आफ्नो मनासिकतामा परिबर्तन गरी सकारात्मक र रचनात्मक प्रतिपक्षको भूमिका निर्बाह गर्नु पर्ने बताउनुभयो !

अबको ४ बर्ष भित्र समृद्व सोलुखुम्बु निर्माणको अभियानमा आफु रहेको बताउदै जिल्लामा रहेको असिमित आवस्यकताका र सिमित स्रोत साधानको प्राथमिकताको आधारमा जनताको आवश्यकताहरु पूरा गर्दै जाने बताउनु भयो । र अहिले आफुले सडक निर्माणलाई पहिलो प्राथमिकतामा राखेको भन्दै सोलुखुम्बुको कोशीपारी तर्ने दिप्लिघट र जुभिङ्गमा तिन बर्ष भित्र काम सकिने गरी यसै हिउँदोबाट पक्कि पुल निर्माण थालानी गर्ने प्रतिबद्वाता ब्यक्त गरिनु भएको थियो

प्रकाशित मिति २७ श्रावण २०७५, आईतवार ११:११