
शेर्पा संघ दक्षिण कोरिया द्वारा हिमालयन सांगीतिक धमाका २०२४ कार्यक्रम भव्यताको साथ सम्पन्न गरेको छ । विपत व्यवस्थापन तथा आपतकालीन राहत कोष स्थापना गर्न कोरियाको चाड छुसकको दोस्रो दिन सेप्टेम्बर १७ तारिख सउलमा आयोजना गरि सफलतापूर्वक सम्पन्न गरेको थियो ।
शेर्पाहरुको मौलिक शेब्रु नृत्य द्वरा स्वगत गर्दै सुरु भएको कार्यक्रममा स्थानीय कलाकारहरू सरस्वती तामाङ‚ शनि थापा मगर‚ अनिता विश्वकर्माको धमकेदार प्रस्तुति पछि दली शेर्पा ‚ मुस्कान राई‚ अस्मिता अधिकारी‚ मिङमा शेर्पा‚ सुनिल शाक्य र निमा रुम्बा को प्रस्तुति पछि समापन भएको थियो ।
शेर्पा संघ दक्षिण कोरियाले आफ्नो स्थापन भएको १३ वर्षपछि पहिलो पटक वृहत संगीतिक कार्यक्रमको आयोजन गरेको र यसलाई सफल बनाउन जातजाति महासंघ दक्षिण कोरिया र यस अन्तर्रगतका जातीय संस्था‚ कोरियामा रहेको अन्य क्षेत्रीय सङ्घसंस्थाका व्यवसायी बाट महत्वपूर्ण सहयोग प्राप्त भएकोमा सम्पूर्ण लाई आयोजकले धन्यबाद समेत ब्यक्त गरेका छ ।