कोरियामा विश्व आदिबासी दिवस सम्पन्न

नेपाल आदिवासी जनजाति महासंघ दक्षिण कोरियाले विश्व आदिवासी दिवस आईतबार मनाएको छ । महासंघले कोरियामा रहेका विभिन्न जातका खाना र जातीय झाँकी सहित कार्यक्रम आयोजना गरेको हो ।

विश्वमा रहेका आदिवासीको ज्ञानलाई संरक्षण गर्नु पर्ने कार्यक्रमका प्रमुख अतिथि नेपाल आदिवासी जनजाति अन्तराष्ट्रिय महासंघका उपाध्यक्ष लोचन राईले वताए । ‘विश्वमा हाम्रो पहिचान फरक छ । त्यसको संरक्षण हुनु पर्छ ।’

कार्यक्रममा नेपाल तामाङ घेदुङ, मगर संघ, तमु धीं, किराँत राई यायोख्खा, किराँत याक्थुङ चुम्लुङ, थारु कल्याकारिणी सभा, छन्त्याल परिवार, शेर्पा संघ, नेवा पुच, थकाली सेवा समाजका प्रतिनिधिहरूले शुभकामना मन्तव्य राखेका थिए । त्यस्तै कोरियामा क्रियाशील विभिन्न राजनैतिक दलका भातृ संगठनहरुका प्रतिनिधिले पनि शुभकामना सन्देश व्यक्त गरेका थिए ।

कोरोना संक्रमण पछिको पहिलो कार्यक्रम भएको र अध्यक्ष नेपाल गएकोले पनि कार्यक्रम जस्तो राम्रो हुनु पर्ने त्यस्तो गर्न नसकेको कार्यवाहक अध्यक्ष विशन राईले भने । ‘हामीले छोटो समयमा काम गर्दा केही कमजोरी भए होलान् त्यसलाई माफी दिएर हाम्रो यो कारयक्रम पहिचान र समनताको लागि एउटा खुट्किलो भयो भने त्यसैलाई सफल भएको मान्ने छौं । यसका लागि सहयोग गर्ने सबैलाई धन्यवाद दिन चाहन्छु ।’ उनले थपे ।

पहिचान पहुँच प्रधिनिधीत्व र समावेशीकरणको लागि आदिवासी जनजाति आन्दलन जाती भाषा धर्म संस्कृति संरक्षणको लागि देशब्याबि राष्ट्रिय जागरण भन्ने मूल नाराका सहित भएको कार्यक्रममा विभिन्न जातीय परिकार पनि रहेको थियो ।

-फोनिज कोरिया

प्रकाशित मिति ३० श्रावण २०७९, सोमबार ०५:३३

सम्बन्धित समाचारहरु